यूवाहरु,
हरियो पासपोर्ट भित्र
च्यापेर फोटो मायालुको
र,
सजायर सुन्दर सपना
जब विदेसिन्छन्
हो, त्यही बर्षदेखि
बाँझिन थाल्छ उनको घरबारी ।
आज धेरै घरबारी÷पाखाबारी
खोला खेत÷टारी खेत
भस्मे र खोरियाहरु
बाँझै छन्/बाँझै बस्दैछन्
हो, म पनि विदेशमै छु
र,
मेरो खेतबारीको हालत पनि
यो भन्दा फरक छैन ।
परन्तु यतिबेला
मसँग अर्को एउटा सपना
लगन गाँठो कस्न आइपुगेको छ
र, त्यो सपनाले भन्दैछ
ए ! नारथुङे बाँझो बन्दै गरेको तेरो घरबारीमा
पहिला जाबो धान, कोदो, मकै, गहुँ, आलु.......त फलाउथिस्
जानिस भने अब सुन फलाउन सक्छस् ।
No comments:
Post a Comment