गजल

धारे हात लगाएर मर भन्नेलाई सलाम
मध्यराती पारिजात झैं झर भन्नेलाई सलाम

षड्यन्त्रको पर्दा ढाकी अँध्यारोमा हुत्याएर
कहरको पासो भित्र पर भन्नेलाई सलाम

सानै गल्ती ठूलो पारी, अझै त्यहाँ रङ्ग भरि
यो ठिटोको बदनाम गर भन्नेलाई सलाम

जो जो छन् ती आफ्नो भन्ने, नाना कुरा सुनाएर
मेरोे निम्ति घृणै घृणा भर भन्नेलाई सलाम

गाउँ घरका सोझा सिधा मान्छे जम्मा गरी
नारथुङेलाई आँखा तर भन्नेलाई सलाम

छिर्के हानी, खुट्टा तानी, अझै नपुगेर
स्वर्ग छोडी ‘इन्द्र’ अन्तै सर भन्नेलाई सलाम ।