गीत

दुध कोशीको दुधै पानी सुनकोशी सुन
उमेर भन्दा महंगो भो मदेशको नुन
अग्लो भन्नु टेम्के डाँडो सेल्मे हाराहारी
ढाक्रे दाइको तोक्मा भन्छ कहाँ बिसाउँ भारी

छोरानाती जन्मे हुर्के, अहिले लाखापाखा
बाउबाजेको मौलो माथि किन प¥थ्र्यो आँखा ?
कोही युरोप–अमेरिका, कोही पस्यो सहर
कस्ले बुझ्ने कठै ! हजुर बुढ्यौलीको कहर

टारबारी बाँझै बस्यो, सिमखेत पहिरो पस्यो
मक्किएको घरको धुरी रिनै रिनले कस्यो
तल हे¥यो सावा दोभान माथि तारे भीर
जीवनको बोझभन्दा मलामीकै पीर