गीत

अहिलेसम्म ज्यूनुको मूल्य थाहै भएन
थाहा पाउँदा बैंस आफ्नो वसमा थिएन

हरौं हजार गल्तीहरु गरिसकेछु जिन्दगीमा
ओइलाएको फूल जस्तै झरिसकेछु जिन्दगीमा
अहिलेसम्म जीवनको रंग थाहै भएन
थाहा पाउँदा बैंस आफ्नो वसमा थिएन
कोरस....
(जीवन महंगो छ दाजै खेर नफाल
ज्यूनु पर्छ अझ धेरै माया नमार)

हिंड्दा हिंड्दै गोरेटोलाई छोडी आँए दोबाटोमा
जिन्दगीको अर्थ मैले भेट्न पाएँ दोबाटोमा
अहिलेसम्म जीवनको अर्थ थाहै थिएन
थाहा पाउँदा वैंस आफ्नो वसमा थिएन
कोरस....
(जीवन महंगो छ दाजै खेर नफाल
ज्यूनु पर्छ अझ धेरै माया नमार)