गजल

कठै ! जिन्दगीमा रुवाउनु रुवायो पापी मायाले
पीरको दहभित्र डुबाउनु डुबायो पापी मायाले

यी ओंठले चुमेका तिनै हातहरुले विष घोलेर
कलिलो यो मुटु दुखाउनु दुखायो पापी मायाले

उनको खुसी हेरी सधैं रमाउने यी आँखा निर्दोषी
एकोहोरो आज पुछाउनु पुछायो पापी मायाले

सँगै ज्यूने–मर्ने सजायर मनमा मिठो सपना
यतिञ्जेलसम्म भुलाउनु भुलायो पापी मायाले

कलिला आँकुरा निमोठेर मार्ने खुनीहातहरु
प्रेमको पर्दा भित्र लुकाउनु लुकायो पापी मायाले