गजल

एउटा जातिको राज्य मागेको छैन मैले
बहुलताको घेरा नाघेको छैन मैले

जस्तालाई तस्तै गर्नु पर्दछ भनिकन
कुनै जातिलाई कहिल्यै भाँडेको छैन मैले

काटेको धान झार्न लिपेको खलामाथि
बोका र गोरुसँगै नारेको छैन मैले

इतिहास सँगै आफ्नो पहिचान जोगाउन
कसैको अस्थित्वलाई लाछेको छैन मैले

आफूलाई माथि लान अरुको छाति टेकी
तिमीले जस्तो ताण्डव नाचेको छैन मैले

विभेद पक्कै यहाँ भएरै उठेको हुँ
खाली कुर्सीलाई मात्रै ताकेको छैन मैले

रुपको मात्रै फरक सारमा उस्तै हुने
राज्यको संरचना चाहेको छैन मैले ।