गजल

आउँछ झल्को साकेलामा सिली नाचेको
लिम्चिङ बुङ शिरैभरि खिली नाचेको

त्यो दिन फेरि फर्किएर खै के आउला ?
समाई हात आपसमा मिली नाचेको

हातमा धनु समातेर, सोई सोई गाउँदै
कम्मर छेउ खुकुरी त्यो भिरी नाचेको

अचेल पनि नारथुङे सम्झी रहन्छ
वासिम थोरै चुपचाप निली नाचेको ।
शब्दार्थ :
लिम्चिम बुङ : किराती मिथकहरुमा बर्णन गरिएको एक लेकाली सुगन्धित फूल
साकेला : किरात राईहरुको महत्वपूर्ण पर्व
सिली : साकेलामा नाचिने नाच
सोई सोई :  सिली नाच्दा गाउने गीतको भाका (सोई सोईला)
वासिम : जाँड (चाम्लिङ भाषा)