गीत

वारी पर्यो खोटाङ बजार पारी चिसापानी
सानै भूलमा रिसाउने कस्तो तिम्रो बानी
नहेरन डर लाग्छ आँखा तानी तानी
छेउमै आई बसिदेउन मेरी मनकी रानी

सुम्निमाकी सखी हौ कि पारुहाङकी छोरी
छुँदै मैलो लाग्ला गाँठे हिउँ जस्तै गोरी
थाहै नदिई त्यो मन आज लगिदिउँकी चोरी
आशै आशमा फालिदिउँकी जाली बल्छी डोरी

सुहाउने छिटको सारी मखमली चोली
बिनायोको धुन भन्दा मिठो तिम्रो बोली
आँखा जुध्यो पहिलो भेट्मा छुट्यो मनमा गोली
आजै तिम्रो हात माग्छु नभनिदेउ भोली