गजल

अरुले जुराई दिएको यो नाम बदलिन सक्छ
हामी बस्दै आएको यो ठाम बदलिन सक्छ

कहाँ थियो र बाबै ! यस्तो, आजका सहरहरु
प्रयास गरी हेरे सबैले गाम बदलिन सक्छ

आफ्नै स्वार्थ सिद्धिको लागि दौडिरहेछ मान्छे यहाँ
कुनै विचारको प्रभाव परे लाम बदलिन सक्छ

विश्वास न हो भगवान भन्नु विश्वासै नरहेपछि
थिर्त, ब्रत, पाठ, पूजा अनि धाम बदलिन सक्छ

गजल लेखेर मात्र यहाँ यो देश बन्ला जस्तो छैन
चनाखो बस् नारथुङे तेरो काम बदलिन सक्छ