कोशी र गण्डकी बेच्यौ, बेच्यौ महाकाली
भए भरको नदी नाला, बेच यसपाली
गर आँखा चिम्लिएर, हस्ताक्षर तिमी
नहेर सम्झौता पत्र, भरी होस् वा खाली
हो आउँदैछन् ती मोदी, घुम्न काठमाण्डौ
चढाउ पानी उपहार, ठोकी–ठोकी ताली
गाह्रो होला तिमीलाई, मोदी फर्के पछि
सँग–सँगै जाऊ उतै, जङ्गे पिलर ढाली
सम्झ्या हौला जनतालाई, अझै लाटो मूर्ख
जलाउछौं तिम्रा हाडखोर पक्कै राँको बाली
No comments:
Post a Comment