गजल

फेरि पनि अतिहरु चल्मलाउँदैछन् यहाँ
सोझा–सिधा जनतालाई अल्मलाउँदैछन् यहाँ

मरेको त्यो लास पनि ब्यूँतिई आउँछ भन्दै
मद मस्त बेहोसीमा बरबराउँदैछन् यहाँ

अँध्यारोमा देशलाई हिजो लुट्नेहरु आज
थोरै छायाँ पर्दा पनि सल्बलाउँदैछन् यहाँ

पक्कै अर्को आँधी उसले चाहेर पो होकी के हो ?
जनताको मौनता यो खल्बलाउँदैछन् यहाँ

गर्नै पर्छ खबरदारी निस्की सडकमा अब
हाम्रै आस्था पनि कतै ढल्मलाउँदैछन् यहाँ