गजल

यो अँधेरी रात छ र न पो छ जूनको महत्व
त्यो स्वंबरको दिन दियौ र पो छ सुनको महत्व

जब तिमी सर्छौ नजिक नजिक आँचल उघारी
अनि मात्र बढ्छ ढुकढुकीसँगै खुनको महत्व

दुवै बेहोसीमा हराएपछि सबै थोक हुन्छ
अहो ! बढ्दै जान्छ अस्पष्ट गुन गुनको महत्व

अतृप्त प्यासहरु मेटिएपछि ढल्की सिरानीमा
सुन्दै निदाउँदा बढी रहन्छ धुनको महत्व

परदेशमा छ यो इन्द्र आज एक्लै एक्लै एक्लै
एक्लै रहँदा पो बुझिँदो रहेछ उनको महत्व