गजल

फेसबुकको हाई–हेल्लो, स्काइपको कुराकानी
खोल्नै पर्ने, बोल्नै पर्ने, आजभोली लाग्यो बानी

हजारौं छन् साथीहरु, चिनेका र नचिनेका
तिनै मध्येबाट एक, छानेको छु मनकी रानी

वेभक्याममा धेरै पल्ट, हेरेको छु उनीलाई
हुर्की आ’को जवानी छ, मान्छे भने सानी–सानी

अफलाईनमा धेरै थरी, कुरा लेखि पठाउँछे
अनलाईनमा भने बोल्छे, सधैं लाज मानी–मानी

गोप्य राख्नु भन्थिन् हाम्रो, प्रेमको कुरा सधैंभरि
तर आज गजल लेखी, छापिदिएँ जानी–जानी