जति दुख्नु दुख्यो देश, दुख्नु हुदैन अब
नेपालीको इमान कतै चुक्नु हुदैन अब
शान्ति, प्रेम, मानवता हाम्रो गौरब गाथा
यीनै आस्थाहरु अझै झुक्नु हुदैन अब
सत्य कुरा बिर्सिएर फेरि विगत जस्तै
आकाशतिर फर्किएर थुक्नु हुँदैन अब
आँटे पछि गर्नै पर्छ, नत्र कुकुर सरी
बिना अर्थ एकोहोरो भुक्नु हुदैन अब
उठ्नु पर्छ सबै जना, देश ब्यूँझिए पछि
श्रम गर्ने बेला आयो लुक्नु हुदैन अब
चाल्नै पर्छ गोडाहरु, जोश जाँगर बोकी
कुनै पनि बाहानामा रुक्नु हुदैन अब ।
No comments:
Post a Comment