गीत

देउता सम्झी ढुङ्गा मैले पुजेको रहेछु
एक्लै एक्लै झरी माझ रुझेको रहेछु

सँगै हिड्दा उनले हात समाए झैं लाग्थ्यो
एकान्तमा साथै बस्दा रमाए झैं लाग्थ्यो
कहाँ हुन्थ्यो छाँगाबाट खसेको रहेछु
देउता सम्झी ढुङ्गा मैले पुजेको रहेछु

आँशु जति मेरो पेवा हाँसो तिम्रै भन्थ्यौ
जिन्दगीको तितोमीठो नासो तिम्रै भन्थ्यौ
कहाँ हुन्थ्यो झुटो जालमा फसेको रहेछु
देउता सम्झी ढुङ्गा मैले पुजेको रहेछु