बलात्कृत बालिकाको आवाज

महोदय !
त्यो मानव महाकाब्य
त्यो देवासुर संग्राम ...
त्यो लाल सलाम
त्यो प्यारो कामरेड
त्यो मदन पुरस्कार
त्यो संसद र मन्त्री पद
मोदनाथ प्रश्रीतको हो ।

होसियार !
बलात्कारको आरोपित
त्यो पातकी मोदनाथ पौडेललाई
मोदनाथ प्रश्रीत बनाएर
धेरै नङ्ग्याउने काम नगर
घटना बङ्याउने काम नगर
बरु,
आफ्ना क्रान्तिकारी बिचारहरुलाई
बल्खु दरबारको मूल चौक अगाडि
हठात मिल्क्याएर
पाप पखाल्ने निहुँ गरी
कथित अध्यात्मको शरणमा पुगेको
त्यो बलात्कारी मोदनाथ पौडेललाई
सक्छौ भने खुल्ला मञ्चमा पाता फर्काएर उभ्याउ
म स्वयं उपस्थित भएर
बलात्कृत योनीको दर्शन गराउँछु
र, यति भन्ने छु
मैले जति भोग्नु भोगें
अब भोग्ने पालो तिम्रो ।