गीत

यहाँ म नौलो क्रान्ति चाहान्छु
क्रान्ति पछिको शान्ति चाहान्छु

दीप जलाई अँध्यारो भगाई
निराश मनमा आशा जगाई
प्रगति पथमा लम्कनलाई
दिनु सबैलाई जीवन बधाई
त्यसैले यहाँ क्रान्ति चाहान्छु
क्रान्ति पछिको शान्ति चाहान्छु

सद्भाव छर्न, मनको आँगनमा
फैलाई प्रीति निल गगनमा
भरेर सत्य बोली बचनमा
पाएर तृप्ती नीर लोचनमा
त्यसैले यहाँ क्रान्ति चाहान्छु
क्रान्ति पछिको शान्ति चाहान्छु