प्रेम

सायद प्रेम अभिब्यक्त गर्न मलाई आउँदैन
हुनसक्छ त्यसैकारण यो उमेरसम्म
आई लभ यू भनेको छैन कसैलाई
न बोटबाट चुँडेर रातो गुलावको फूल
उपहार नै दिएको छु
यसो पल्टाएर हेर्छु कहिलेकाँही शब्दकोष
जो कोरिएको छ मनको अक्षरले
जहाँ यस्तो लेखिएको छ प्रेम बारे
--यो देखाउने होइन, अनुभूति गर्ने संवेग हो
मलाई लाग्छ अनुभूतिपछिको प्रतिक्रिया
एकजोर आँखाले अभिब्यक्त गर्छ
हो म यतिबेला,
त्यही अभिव्यक्ति बोकेर
उस्तै अभिव्यक्तिको पर्खाइमा छु ।