गीत

संसारमा को होला र मान्छे जस्तो बैमानी
दुध भन्दै पिलाउँछन् विषालु त्यो पानी

लाख माया देखाएर नजिक नजिक आउँछन्
धर्ति आकाश खोतलेर हजार नाता लाउँछन्
जब पूरा हुन्छ स्वार्थ अनि लत्याएर
दुनियाँको सामु उल्टै झुटो गीत गाउँछन्
संसारमा को होला र.......

पहिलो भेटमा सर्माउँदै बोल्छन् मीठो बोली
रसाउँछ तन–मनमा पिरतीको खोली
जब पूरा हुन्छ स्वार्थ अनि लत्याएर
हाँसी हाँसी चलाउछन् छाति माथि गोली
संसारमा को होला र......