गीत

सारा संसार जितेर पनि, आफ्नै माटोमा हामी हारेछौं
मरुभूमिमा शहर उठाई, आफ्नै आँगनलाई बाँझो पारेछौं ।
...

मोती ठानेर टिपी नै रह्यौं, पानीको फोका सधैं अञ्जुलीमा
भत्कायौं धेरै पहाड साम्राज्यका, राखेर घरमा बिभेदको सीमा
राखेर ज्यान हत्केला बीच, अरुलाई मात्रै पारी तारेछौं
सरा संसार.........

ओढेर पनि सधैं खुल्ला आकाश, बन्यो किन यति दृष्टि साँगुरो
यहीँ स्वर्ग झार्ने सामर्थ्य थ्यो हाम्रो, सुख-समृद्धिको टेकी चुचुरो
विवेक छिर्ने हरेक गोरेटोमा, अहं उचाली बार बारेछौं