कोको म्हेन्दो, संगुल थेन राहत

Translet in Tamang language : Sanchu Blon Tamang
सरकार १
जाबो गोरगिक पाल
थेन,
छाक ङि म्ल्हालदा
ओर्बान दुङालकादे
ट्वाइबान हार्गेलाबा पोर
दाराप्सि लामरि
लि स्युल ताबान
क्यामेराला क्लिकदेन देप्पान
संगुललिच्च्छाला सिबासेम
कप्पादा अपमान थेन निराशा
ताजि, आखा ङा
राहत ठाबा ग्लारि ।
सायद चु बिपत,
ग्रेन विपत हिन्ना, स्यान्दोला मिरि
तसाइ, पुस्तौंहेन्से
राज्यसे जब्बरजस्ती कप्पा अप्राकृतिक
चु बिमा ग्रेन, ल्हानान ग्रेन विपतकादे नासि
सोबान खाबा ङा ‘कोको म्हेन्दो’
संगलला लिक्पाकादेसे
फुप्साइननोन दिम
ब्यान्साई दिमथेमे
बोर्बा आरे सार्पा अझन
माबा आरे ग्याम अझान
ङा चुनोन साप्रारि
राप्नालाखाम्ला ह्राङला आस्था
चुनोन ग्यामरि
ब्राना लाखाम्ला बिश्वास
कि, कमिसनला कसीरि म्याप्सि
ज्युइबा थे पालबिमा
ङालन ख्रिनला ग्रेसिङ कुङ्ला
थिमा ब्यामा
तोर लामा–मार हुर्मा
कुम्मा–न्हेप्मा
ब्ला माबा थे म्ल्हाबिमा
ङालन धाराला क्युइ ल्हाना पोषिलो मुला ।
हिन्ना सरकार,
चु बर्खा ङाच्छान
राप्तोसेला मुला गोरगिक ब्राङ
ह्योल्तोसेला मुला थेच्यार थेन होन
स्होतोसेला मुला फुप्पा आंगा
लुतोसेला मुला पोगोलकादे
थेन,
फुइना लासि ज्याबा म्हाङला पुवा
क्यातोसेला मुला हिलोरि
चु ङाला गे
ङा ह्राङनोन लाखाम्ला
थेतासि,
चु चटारो ख्लासि
फोस्नोन दिन निना आला
आखा राहातला मिनरि
अर्कु दुङाल ताबारि ।
सरकार १
पिन्सेलान हिन्साम,
ङाला आख्खेम्हेमेला ब्यान्बा ङोसेबा
दोसि पिन्गो, छार ह्युलठिमरि
थेन,
थेलिच्छा
ङा ह्राङनोन स्होला
ङाला ताम्सालिङ
कात्तामान ग्रेन संगुलसेनोन
ध्वस्त आताबा ङा कुह्राङ्बान
खाइमाइ आह्याल्बा ङाला ‘कोको म्हेन्दो’ ह्राङ्बान ।
सरकार १
जाबो गोरगिक पाल
थेन,
छाक ङि म्ल्हालदा
ओर्बान दुङालकादे
ट्वाइबान हार्गेलाबा पोर
दाराप्सि लामरि
लि स्युल ताबान
क्यामेराला क्लिकदेन देप्पान
संगुललिच्च्छाला सिबासेम
कप्पादा अपमान थेन निराशा
ताजि, आखा ङा
राहत ठाबा ग्लारि ।
सायद चु बिपत,
ग्रेन विपत हिन्ना, स्यान्दोला मिरि
तसाइ, पुस्तौंहेन्से
राज्यसे जब्बरजस्ती कप्पा अप्राकृतिक
चु बिमा ग्रेन, ल्हानान ग्रेन विपतकादे नासि
सोबान खाबा ङा ‘कोको म्हेन्दो’
संगलला लिक्पाकादेसे
फुप्साइननोन दिम
ब्यान्साई दिमथेमे
बोर्बा आरे सार्पा अझन
माबा आरे ग्याम अझान
ङा चुनोन साप्रारि
राप्नालाखाम्ला ह्राङला आस्था
चुनोन ग्यामरि
ब्राना लाखाम्ला बिश्वास
कि, कमिसनला कसीरि म्याप्सि
ज्युइबा थे पालबिमा
ङालन ख्रिनला ग्रेसिङ कुङ्ला
थिमा ब्यामा
तोर लामा–मार हुर्मा
कुम्मा–न्हेप्मा
ब्ला माबा थे म्ल्हाबिमा
ङालन धाराला क्युइ ल्हाना पोषिलो मुला ।
हिन्ना सरकार,
चु बर्खा ङाच्छान
राप्तोसेला मुला गोरगिक ब्राङ
ह्योल्तोसेला मुला थेच्यार थेन होन
स्होतोसेला मुला फुप्पा आंगा
लुतोसेला मुला पोगोलकादे
थेन,
फुइना लासि ज्याबा म्हाङला पुवा
क्यातोसेला मुला हिलोरि
चु ङाला गे
ङा ह्राङनोन लाखाम्ला
थेतासि,
चु चटारो ख्लासि
फोस्नोन दिन निना आला
आखा राहातला मिनरि
अर्कु दुङाल ताबारि ।
सरकार १
पिन्सेलान हिन्साम,
ङाला आख्खेम्हेमेला ब्यान्बा ङोसेबा
दोसि पिन्गो, छार ह्युलठिमरि
थेन,
थेलिच्छा
ङा ह्राङनोन स्होला
ङाला ताम्सालिङ
कात्तामान ग्रेन संगुलसेनोन
ध्वस्त आताबा ङा कुह्राङ्बान
खाइमाइ आह्याल्बा ङाला ‘कोको म्हेन्दो’ ह्राङ्बान ।