भुस्याहा कुकुरहरू

शहरका गल्ली गल्ली चाहारेर
जुठोपुरो खोजेर खानु
सडकपेटी मै बिष्ट्याउनु...
भित्तो वा रुखको फेदमा
एउटा खुट्टो उचालेर तिरिक्क तुर्क्याउँदै सुँघेर हिंड्नु
रात-बिरात भुकेर मान्छेको निन्द्रा खल्बलाउनु
आफूभन्दा निम्छरो देखिए लखेट्नु
आफूभन्दा बलियो देखिए टाङ्मुनी पुच्छर लुकाएर हिड्नु
कार्तिक लाग्न साथ छाउरीको लागि
जीवनै बलिदान दिन पछि नपर्नु
एक टुक्रा हड्डीको लागि
आफ्नै साथीको ज्यान दावी गर्नु
---यो काम त भुसिया कुकुर हो
तर नेपालमा प्रजातन्त्र आएपछि भने
नेताहरुले पालो दिएका छन् ।