मुक्तकहरु

१) लात

मान्छे ठूलो बन्न कि जात देखाउँछ...
कि पद र पैशाको खात देखाउँछ
जात र पैशा देखाएर ठूलो हुँ भन्नेहरुलाई
यो नारथुङेले सधैं लात देखाउँछ ।

२) नेताको मन
सुट सफा भएर के भो, मन फोहोर भो नेताको
कालो कोठरीको अबैध धन्दा मोहोर भो नेताको
यसकारण भत्काउन झोंक चल्दैछ थोत्रो सिंहदरबार
जहाँ धेरै चलखेल र ओहोरदोहोर भो नेताको ।


३) नेपालबन्द
भारतले नाकाबन्दी लाएको निहुँमा आज नेपाल बन्द छ
कुन नेपालीले यसलाई सहि निर्णय हो भनेर भन्दछ ?
छिमेकीले दुःख दिएको निहुँमा आफ्नै आमालाई कुट्ने
बिप्लव माओबादीको दिमाग बिग्रेको त हैन ? यस्तै छन्द छ ।


४) गोरुहरु
कतै धर्मको नाम लिएर मानिस मारिन्छन्
कतै आधुनिक दास बनाएर ओसारिन्छन्
मानवताभन्दा ठूलो जात, धर्म र पैशा देख्नेहरु
हेर्दै जानुस् पक्कै एकदिन जुवामा नारिन्छन् ।


५) भ्रष्टाचार
केन्द्रदेखि गाउँसम्मै भ्रष्टाचारको जालो छ
हेनुस् त नेता सबैको हात आलो आलो छ
आज ज्यूँदै भागे पनि, कहाँ जालास् मछली ?
तैंले भाग्ने बाटो हेर, अब भिरालै भिरालो छ ।