मान्छेलाई मान्छेभन्दा प्यारो भयो जात-धर्म
माया गर्ने मायालुको कसले बुझ्ला भित्री मर्म ?
सिमानाले काटेको छ, सम्बन्धका रेखाहरु
भित्र भित्रै फाटेको छ, भावनाका टेकाहरु
मान्छे हुँ म भन्नलाई, लाग्न थाल्यो आज सर्म
माया गर्ने मायालुको कसले बुझ्ला भित्री मर्म ?
मान्छेलाई मार्न यहाँ, मानिस नै अघि सर्छन्
हृदयमा प्रेमको साटो, घृणा, डाहा, रिश भर्छन्
मान्छेलाई मान्छेबाट अलग्याउने कस्तो कर्म ?
माया गर्ने मायालुको कसले बुझ्ला भित्री मर्म ?
No comments:
Post a Comment