(नेपालका मतदाता र निर्वाचन परिणाम)

कोठै कोठा
चित्रै चित्रले भरिएको
विचित्र चुनाव चिन्हमाथी...
भोट खसाल्नु अगाडि
निम्न कुराहरु थाहा पाउनु पर्छ.....

पार्टीको नाम,
नीति/सिद्धान्त
उदेश्य/लक्ष
विगत/वर्तमान
चरित्र/चिन्तन
आयश्रोत/खर्च
+
उम्मेदवारको नाम
योग्यता/क्षमता
नीति/सिद्धान्त
उदेश्य/लक्ष
विगत/वर्तमान
आयश्रोत/खर्च
चरित्र/चिन्तन
र,
पार्टी र उम्मेदवारमाथी
विपक्षीहरुले लगाईरहेको आरोप.....
अहो ! हाम्रो देशमा
कति प्रतिशत होलान् हँ यस्ता मतदाता ?
कोठै कोठा
चित्रै चित्रले भरिएको
विचित्र चुनाव चिन्हमाथी
भोट खसाल्नु अगाडि
निम्न कुराहरु हेरिनु हुन्न.....
जात/धर्म
आफ्नो/पराई
टाढा/नजिक
पद/पैसा
लोभ/लालच
डर/धम्की
र,
आश्वासन
अहो ! नेपालमा
कति प्रतिशत होला हँ यस्ता मतदाता ?
म दावी त गर्न सक्दिन
परन्तु,
यति भन्ने हैसियत राख्दैछु
कि,
नेपालका मतदाताहरु,
चौथाई लाटा/बुङ्गा छन्
चौथाई अन्धा/बहिरा छन्
चौथाई लुला/लङ्गडा छन्
बस्,
त्यसैले त हरेक निर्वाचन पछाडी
मत परिणाम हेरेर
सधैं अतालिन्छु म ।