हिरा र किरा

लाखौं शिक्षकहरुमा पक्कै केही त हिराहरु छन्
तर हिराहरुलाई बिगार्ने असंख्य किराहरु छन्
आफ्नै विद्यार्थीको भविश्य अनिश्चिित देखेपछि
तिनीहरुको हृदयमा परेका हजारौं चिराहरु छन् ।

शिक्षक होइनन्

च्चाको र्याल र सिंगानसँग घिनाउने शिक्षक हुँदै हुँदैनन्
भित्री ज्ञान नदिई अक्षरमात्र चिनाउने शिक्षक हुँदै हुँदैनन्
जब भट्टी पसलको अगाडि भेटिन्छन् पुराना विद्यार्थीहरु
हो तिनीहरुबाट दारुपानी किनाउने शिक्षक हुँदै हुँदैनन् ।

नेताको तोकमा शिक्षक भएकाहरु

नेताको तोकमा शिक्षक भएकाहरुले के पढाउँछन् विद्यालयमा ?
गयल भएर पनि दिनदिनै हाजिर चढाउँछन् विद्यालयमा
जब चुनाब आउँछ वा पार्टीको अधिवेशन÷महाधिवेशन हुन्छ
तब त्यस्ता शिक्षकहरु सहकर्मी तिर सहयोग रसिद अघि बढाउँछन् विद्यालयमा ।

बालबालिकाहरु

बालबालीका त भगवान् हुन् तर राक्षस बनाइन्दैछ यहाँ
शिक्षाको नाममा दुषित बाणी दिनदिनै खनाइन्दैछ यहाँ
उनीहरु त उड्न चाहान्छन् बगैंचामा पुतली सँगै
तर बन्द कोठमा सधैं कोचिन मनाइन्दैछ यहाँ ।

पढेलेखेकाहरु

यो देशका ठूला भ्रष्टाचारीहरु पनि पढेलेखेका नै छन्
फिरौती रकम अशुल्ने अपहरणकारीहरु पनि पढेलेखेका नै छन्
पढाउने शिक्षकहरुको सफलता हो या असफलता
राष्ट्र प्रमुखदेखि भीखारीहरु पनि पढेलेखेका नै छन् ।

बेरोजगारी

शिक्षालयहरु बेरोजगार उत्पादन गर्ने भट्टी भएपछि
र, यूवाहरुको भविश्यलाई टुक्रा पार्ने कट्टी भएपछि
किताब कापी फालेर विदेश हिंडिरहेका छन् सबै
शिक्षक जति नेता÷कार्यकर्ताले खेलाउने गट्टी भएपछि ।

शिक्षक र जागीर

साँचो अर्थमा शिक्षकहरुले जागीर मात्र खाइरहेका छन्
पैशा कमाउनकै लागि यहाँ विध्यालय धाइरहेका छन्
विध्यार्थीको भविश्यलाई अन्धकारमा आफालेर
हजारौंको मृत्यु उत्सवमा रमाईरहेका छन् ।